132-134 nömrəli Təhsil Kompleksinin IB (International Baccalaureate/ Beynəlxalq Bakalavriat Proqramı) şagirdləri Owlypia beynəlxalq olimpiadasının Abu-Dabidə keçirilmiş Qlobal Raundunda uğurla iştirak ediblər.
Xəlifə Universitetində baş tutan olimpiadada Təhsil Kompleksinin 9 şagirdi Xədicə Abbasova, Leyla Əhədzadə, Əsma Əliyeva, Nuray Məmmədova, İradə Adıgözəlova, Niyazi Ulubəyli, Müjgan Məmmədova, Sevinc Əlizadə və Leyla Osmanlı 3 komanda şəklində iştirak edərək 3 Qızıl, 5 Gümüş, 7 Bürünc olmaqla 15 medal və 11 sertifikat əldə ediblər.
Məktəblilər 2 gün ərzində olimpiada çərçivəsində 5 müxtəlif tapşırıq yerinə yetirib, debatlarda komanda şəklində çıxış ediblər.
Abu-Dabiyə səfər çərçivəsində şagirdlər Gülanə Əliyevanın rəhbərliyi ilə Luvr muzeyi, Qəsr Əl-Vətən, Şeyx Zayed Böyük Məscid kompleksi və digər tarixi əhəmiyyətli abidələri ziyarət ediblər.
Şagirdlərimizi təbrik edir və IB şagirdlərimizə yeni-yeni təhsil uğurları arzu edirik.
