132-134 nömrəli Təhsil Kompleksinin “ZeMission™” komandası Beynəlxalq STEAM Azərbaycan 2022 Festivalında (SAF 2022) uğurla çıxış edərək İnnovativ Layihələr Sərgisi kateqoriyasında “Innovation Award” mükafatı və sertifikatlarla təltif olunublar.
Kompleksimizin Biologiya və Həyat Bilgisi müəllimi Rübabə Səmədovanın mentorluq etdiyi “ZeMission™” komandası Azərbaycan Respublikası Elm və Təhsil Nazirliyinin təşkilatçılığı ilə 5-9 dekabr tarixlərində Bakı Ekspo Mərkəzində keçirilən Beynəlxalq STEAM Azərbaycan 2022 Festivalında (SAF 2022) İnnovativ Layihələr Sərgisi kateqoriyasında “ZeroGreen” layihəsi üzrə 87 komanda arasında seçilən ən uğurlu 30 komandadan biri kimi finala vəsiqə qazanmışdır.
Kompleksimizin Biologiya və Həyat Bilgisi müəllimi Rübabə Səmədovanı və komanda üzvləri – Rus bölməsi “11 a” sinif şagirdləri Rəfiyev Cavidan, Qafarov Mikayıl və İngilis dili bölməsi “X” IB sinif şagirdi Quliyev Mehdini bu yüksək nailiyyət münasibətilə təbrik edir, şagirdlərimizə gələcəkdə yeni-yeni nailiyyətlər arzu edirik. Təbriklər və uğurlar!
