XƏBƏRLƏR

27 sentyabr – Anım Gününə həsr olunan dərslər keçirildi

Sentyabr 27, 2024 şərh yoxdu

Bu gün, 132-134 nömrəli Təhsil Kompleksində bütün siniflərdə 27 sentyabr – Anım Gününə həsr olunan dərslər keçirildi.

Dərslərdə 44 günlük Vətən müharibəsi, xalqımızın tarixi Qarabağ Zəfəri və Azərbaycanın müstəqilliyi, ərazi bütövlüyü uğrunda Şəhid olan Vətənin igid övladları haqqında şagirdlərə məlumat verildi. Məktəblilər Təhsil Kompleksinin Tarix Muzeyində yaradılmış Şəhid məzunlar guşəsini və Kompleksin qəhrəman məzun Şəhidlərinin barelyeflərini ehtiramla ziyarət etdilər.

İbtidai sinif şagirdləri Anım günü ilə bağlı təşkil olunan dərslərdə qəhrəman Şəhidlərə və tarixi Qarabağ Zəfərinə həsr olunan şerlər səsləndirdilər və rəsmlər çəkdilər.

Foto: Azərbaycan bölməsi “4 b”; Rus bölməsi “4 a”, “4 c”

XƏBƏRLƏR

Rus bölməsi “7 a” sinifində COP 29-a və ekologiyaya həsr olunan “Təbiətlə sülh bağlayaq” adlı xüsusi maarifləndirici dərs

Sentyabr 16, 2024 şərh yoxdu

BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası – COP29-un cari ildə ölkəmizdə keçirilməsi ilə əlaqədar və “Yaşıl dünya naminə həmrəylik” ili çərçivəsində bu gün Rus bölməsi “7 a” sinifində ekologiyaya həsr olunan “Təbiətlə sülh bağlayaq” adlı xüsusi maarifləndirici dərs təşkil olundu.

Məktəblilərə təbiəti qorumağın vacibliyini çatdırmaq, ətraf mühitin mühafizəsinə münasibətlərini rasionallaşdırmaq, şagirdlərin ekoloji mədəniyyətini yüksəltmək məqsədilə dərsdə bu mövzularla bağlı məlumatlandırıcı sessiyalar təşkil olundu. Şagirdlər ekologiyanın qorunmasının vacibliyinə diqqət çəkən müxtəlif rəsm kompozisiyaları hazırladılar.

Pedaqoq: Kompleksin Coğrafiya müəllimi Hüseynova Nailə

XƏBƏRLƏR

Rus bölməsi “4 c” sinifində “COP 29” və “Yaşıl dünya naminə həmrəylik ili”nə həsr olunan dərs

Sentyabr 16, 2024 şərh yoxdu

“Yaşıl dünya naminə həmrəylik ili” çərçivəsində bu gün Rus bölməsi “4 c” sinifində 2024-2025-ci tədris ilinin ilk dərsi “COP 29” və “Yaşıl dünya naminə həmrəylik ili”nə həsr olundu. Bu maarifləndirici dərsin təşkilində məqsəd şagirdlərin ekoloji dünyagörüşü, təbiətə münasibəti, təbii sərvətlərin öyrənilməsi, ekoloji yönümlü fəaliyyətə cəlb edilməsi barədə məlumatlılığını artırmaqdan ibarətdir.

Məktəblilər təbiət və ekologiya ilə bağlı qlobal problemlərin əks olunduğu stendlər hazırladılar və mövzu ilə bağlı tədqiqat xarakterli ev tapşırıqlarını təqdim etdilər.

Pedaqoq: Qəniyeva Sevda

XƏBƏRLƏR

Azərbaycan bölməsi “4 c” sinifində ilk dərs “Yaşıl dünya naminə həmrəylik” mövzusuna həsr olunub

Sentyabr 16, 2024 şərh yoxdu

Azərbaycan bölməsi “4 c” sinifində 2024-2025-ci tədris ilinin ilk dərsi “Yaşıl dünya naminə həmrəylik” mövzusuna həsr olunub. Məktəblilərə ekoloji tarazlığın qorunmasının əhəmiyyəti, ətraf mühitin mühafizəsi məsələsində hər kəsin diqqətli olmasının vacibliyi haqqında məlumat verilib və şagirdlər müxtəlif ekoloji problemlər mövzusunda sərbəst iş hazırlayıb təqdim ediblər. 

Xatırladaq ki, Prezident İlham Əliyevin Sərəncamı ilə Azərbaycanda 2024-cü il “Yaşıl dünya naminə həmrəylik ili” elan edilib. Bununla yanaşı, Azərbaycanın 2030-cu ilə qədər sosial-iqtisadi inkişafa dair beş milli prioritetindən biri “Təmiz ətraf mühit və yaşıl artım ölkəsi” kimi müəyyən olunub.

Pedaqoq: Səfərova Pakizə