Azərbaycan Respublikası Baş Prokurorluğunun təşəbbüsü ilə hazırlanan “İntihar və intihara cəhd edilməsi hadisələrinin baş verməsinin minimuma endirilməsi və qabaqlayıcı tədbirlərin həyata keçirilməsinə dair qurumlararası İşçi qrupunun 2021-2025-ci illər üzrə Fəaliyyət Planı”nın icrası istiqamətində 132-134 nömrəli Təhsil Kompleksində psixoloqların iştirakı ilə yuxarı sinif şagirdləri ilə mütəmadi maarifləndirici görüşlər keçirilir, profilaktik söhbətlər aparılır.
Görüşlər zamanı şagirdlərə “İntihar halları niyə son zamanlar daha da artmışdır?”, “İntihar nə deməkdir?”, “İntihar qərarını verən bir fərdin krizis halındakı səbirsizlik və çarəsizlik hisslərinin səbəbləri və bu hallarla mübarizə yolları”, “İntihar – çıxış yolu deyil”, “Yaxın ətrafımızda intihar düşüncəsi olanlar varsa, onlara necə kömək edə bilərik?” mövzularda söhbətlər aparılır, şagirdlərə intihar və başqa psixoloji zəiflikdən qaynaqlanan problemlər, empati bacarığının aşağı düşməsi, mənəvi aclığın olması kimi hallarla mübarizə üsulları haqqında məlumatlar verilir.
