132-134 nömrəli Təhsil Kompleksində 27 fevral-3 mart tarixlərində keçirilən “İdman Həftəsi” çərçivəsində müxtəlif idman növləri üzrə yarışlar təşkil olundu.
Foto: Rus bölməsi şagirdləri arasında futbol, voleybol, şahmat, qol güləşi yarışmaları
6-cı sinif şagirdləri arasında “Şən startlar” estafet yarışı keçirildi
“İdman Həftəsi” çərçivəsində 6-cı sinif şagirdləri arasında “Şən startlar” estafet yarışı keçirildi.
Yarışın qalibi Azərbaycan bölməsi “6 c” sinif şagirdləri oldular.
Rus bölməsi “3 a” sinif şagirdlərinin iştirakı ilə maraqlı dərs
Rus bölməsi “3 a” sinif şagirdləri Rus dili dərsində “İsmin hallarının təyin edilməsi” mövzusunu maraqlı üsulla öyrəndilər.
Məktəblilər üçün həmişə çətin olan bu mövzunu oyunəsaslı metodla öyrənən şagirdlər həm əyləndilər, həm məsələyə yaradıcı yanaşdılar, həm də ismin düzgün halını təyin etməyi, o hala aid sözü tapmağı və bu sözlə ismə sual verməyi öyrəndilər.
Pedaqoq: Qaziyeva Gülər
8-ci siniflər və yığma 7-ci sinif şagirdləri arasında Basketbol yarışı keçirildi
“İdman Həftəsi” çərçivəsində 8-ci siniflər və yığma 7-ci sinif şagirdləri arasında Basketbol yarışı keçirildi.
4 komandanın mübarizə apardığı yarışın qalibləri Azərbaycan bölməsi “8 a” sinif şagirdləri oldular.
“İdman Həftəsi” çərçivəsində 7-ci sinif şagirdləri arasında “Ən sürətli şagird” qaçış yarışı keçirildi
“İdman Həftəsi” çərçivəsində 7-ci sinif şagirdləri arasında “Ən sürətli şagird” qaçış yarışı keçirildi.
Yarışda bu nominasiya üzrə oğlanlar arasında “7 d” sinif şagirdi Babayev Seyidəli və qızlar arasında “7 b” sinif şagirdi Əliyeva Dəniz qalib oldular.
“İdman Həftəsi” davam edir
“İdman Həftəsi” çərçivəsində 7-ci sinif şagirdləri arasında müxtəlif idman müsabiqələri keçirilir.
“İngilis dili” fənn kafedrası müəllimlərinin iştirakı ilə “Heydər Əliyev və xarici siyasətin Azərbaycan modeli” mövzusunda “dəyirmi masa”
Martın 1-də Təhsil Kompleksinin “İngilis dili” fənn kafedrası müəllimlərinin iştirakı ilə “Heydər Əliyev ili”nə həsr olunmuş “Heydər Əliyev və xarici siyasətin Azərbaycan modeli” mövzusunda “dəyirmi masa” keçirilib.
“Dəyirmi masa” ətrafında mövzu ilə əlaqədar geniş müzakirə və fikir mübadiləsi aparılıb, fənn müəllimləri görkəmli dövlət xadimi, Ümummilli Lider Heydər Əliyevin respublikamıza rəhbərlik etdiyi dövrlərdə Azərbaycanda bütün sahələrin inkişafında misilsiz rolundan, uğurlu daxili və xarici siyasətindən bəhs etdikləri təqdimatlarla çıxış ediblər. Çıxışlarda Azərbaycanın dövlət müstəqilliyinin bərpasından sonra ölkədə həyata keçirilən və milli mənafelərə əsaslanan xarici siyasət kursunun nailiyyətləri, Ulu Öndərin layiqli siyasi davamçısı, Prezident İlham Əliyevin diplomatik siyasətinin uğurları və Azərbaycanın ildən-ilə artan qüdrəti, Vətən müharibəsində xalqımızın qələbəsini şərtləndirən çoxsaylı amillər vurğulanıb.
“Dəyrimi masa” iştirakçıları dahi şəxsiyyət haqqında bir-birindən maraqlı xatirələrini bölüşüb, Ulu Öndərin zəngin dövlətçilik irsinin gənc nəsil və məktəblilər arasında təbliğinin daha da genişlənməsi üçün rəy və təkliflərini bildiriblər.
