Archives

132-134 nömrəli Təhsil Kompleksində 8 Noyabr – Zəfər Günü münasibətilə “Ata vəsiyyəti və inamlı Zəfər!” adlı bayram tədbiri keçirildi.

Tədbirdə Kompleksin qəhrəman Şəhid məzunlarının və Səbail rayonunun on altı nəfər Şəhidinin valideynləri, Səbail rayon İcra Hakimiyyətinin başçısı Vüqar Zeynalov və rayon ziyalıları iştirak etdilər.

İlk öncə 132-134 nömrəli Təhsil Kompleksinin qəhrəman məzun Şəhidləri Fərid Əliyev, Yusif Budaqov və Nicat Tarıverdiyevin Təhsil Kompleksindəki xatirə barelyefləri ziyarət olundu və 44 günlük Vətən müharibəsinin bütün qəhrəman Şəhidlərinin əziz xatirəsi bir dəqiqəlik sükutla yad edildi.

Kompleksin Akt zalında tədbir Dövlət Himninin səsləndirilməsi ilə başladı. Tədbirdə Azərbaycan xalqının 44 günlük Vətən müharibəsində qazandığı möhtəşəm Şanlı Qələbənin üçüncü ildönümünə, Prezident, müzəffər Ali Baş Komandan İlham Əliyevin qətiyyətli siyasətinə, qəhrəman Azərbaycan Ordusunun rəşadətinə və Vətənin suverenliyi, ərazi bütövlüyü uğrunda canını fəda edən Şəhidlərimizə və Səbail rayonunun Şəhidlərinə həsr olunan çıxışlar edildi, məktəblilər tərəfindən hazırlanan və ifa olunan ədəbi-bədii kompozisiya təqdim olundu.

Bayram tədbirində vurğulandı ki, müasir müstəqil Azərbaycanın tarixinə qızıl hərflərlə həkk olunan 44 günlük Vətən müharibəsi elə bir möhtəşəm hadisədir ki, Şuşanı, Qarabağı, Xocalını, Xankəndini 30 illik işğaldan, Azərbaycanın əzəli torpaqlarını iki əsrlik düşmən tapdağından azad edən möhtərəm Prezidentimiz, müzəffər Ali Baş Komandan, dünyamiqyaslı siyasətçi İlham Əliyev xalqımızın əbədi milli qəhrəmanıdır.

Tədbir qürur və fəxr dolu duyğulu anlarla yadda qaldı.

Qələbən mübarək, Şanlı Azərbaycan! Yaşasın qəhrəman Azərbaycan xalqı! Şəhidlərimizin ruhu şad, məkanları cənnət olsun! QARABAĞ AZƏRBAYCANDIR!

132-134 nömrəli Təhsil Kompleksinin şagirdlərinin “8 Noyabr – Zəfər günü”nə həsr olunan “QARABAĞ AZƏRBAYCANDIR!” rəsm sərgisi

Noyabrın 7-də Rus bölməsi “10 a” sinifində “8 Noyabr – Zəfər günü” və 44 günlük Vətən müharibəsində Azərbaycan xalqının şanlı Qələbəsinin üçüncü ildönümü münasibətilə “İngilis dili” və “Azərbaycan dili” fənn müəllimlərinin rəhbərliyi ilə “WE ARE VICTORIOUS!” (“BİZ QALİBİK!”) adlı inteqrativ və yaradıcı dərs təşkil olundu. Dərsdə “10 a” sinif şagirdləri ilə yanaşı, “10 c” və “9 b” sinif şagirdləri, həmçinin İngilis dili metodistləri və müəllimləri iştirak etdilər.

Dərsdə məktəblilər Qarabağın tarixi, mədəniyyəti, Azərbaycan xalqının 44 günlük Zəfər yolu, Azərbaycan xalqına tarixi Zəfər qazandıran Ali Baş Komandan və şücaətli Azərbaycan Ordusu, qəhrəman əsgər və zabitlərimiz, əbədiyaşar Şəhidlərimiz haqqında Azərbaycan və İngilis dillərində təqdimatlarla çıxış etdilər.

Pedaqoqlar: Kompleksin İngilis dili müəllimi Abbasova Sevinc və Azərbaycan dili müəllimi Əliyeva Rəna

Azərbaycan bölməsi “5 b” sinifində “8 Noyabr – Zəfər günü”nə həsr olunan xüsusi dərslər təşkil olundu.

Məktəblilər 132-134 nömrəli Təhsil Kompleksinin qəhrəman məzun Şəhidi Fərid Əliyevin evini ziyarət etdilər və 44 günlük Vətən müharibəsinin qəhrəmanı, Şuşa döyüşlərinin Qələbə Şəhidi Fəridin ailə üzvləri, valideynləri, həyat yoldaşı və Vətənə əmanət övladları ilə görüşdülər. Görüş zamanı unudulmaz məzunumuz haqqında xatirələr dinlənildi, qəhrəman Azərbaycan zabitinin həyat və döyüş yolunun gənc və gələcək nəsillər üçün böyük nümunə olduğu vurğulandı.

Ölkəmizin ərazi bütövlüyü uğrunda canını fəda etmiş hər bir qəhrəmanın əziz xatirəsi xalqımızın qəlbində daim yaşayır. Ruhunuz şad olsun, igid Vətən oğulları!

Sinif rəhbəri: Kompleksin Ərəb dili müəllimi Məmmədova Gülnara

İbtidai siniflərimizdə “8 Noyabr – Zəfər günü” və 44 günlük Vətən müharibəsində Azərbaycan xalqının şanlı Qələbəsinin üçüncü ildönümü münasibətilə xüsusi dərslər keçirildi və şagirdlərimiz üçün ekskursiyalar təşkil olundu.

Foto: Azərbaycan bölməsi “2 b”, “3 b”, Rus bölməsi “1 a”, “1 b”, “1 f”, “2 a”, “2 b”, “2 d”, “3 b”, “3 c”, “4 c”

Video: Azərbaycan bölməsi “2 b”, “3 b”, Rus bölməsi “1 b”, “2 b”, “2 d”

Noyabrın 7-də Azərbaycan bölməsi “7 c” sinifində İngilis dili dərsi “8 Noyabr – Zəfər Günü”nə həsr olundu.

Dərsdə məktəblilər Qarabağın tarixi, mədəniyyəti, Azərbaycan xalqının 44 günlük Zəfər yolu, Azərbaycan xalqına tarixi Zəfər qazandıran Ali Baş Komandan və şücaətli Azərbaycan Ordusu, qəhrəman əsgər və zabitlərimiz, əbədiyaşar Şəhidlərimiz haqqında təqdimatlarla çıxış etdilər.

Dərsdə həmçinin İngilis dilində “Breyn-rinq” intellektual yarışı keçirildi. Məktəblilər Azərbaycanın və Qarabağın tarixi, mədəniyyəti, görkəmli şəxsiyyətləri, memarlıq abidələri haqqında ingilis dilində səsləndirilən suallara sürətli cavab tapmaq üçün bir-biriləri ilə yarışdılar və sonda dostluq qazandı.

Müəllimlər: Kompleksin İngilis dili müəllimləri Fərəcullayeva Yadigar və Qarayeva Aybəniz

44 günlük Vətən müharibəsində Azərbaycan xalqının şanlı Qələbəsinin üçüncü ildönümü münasibətilə Təhsil Kompleksində milli bayram “8 noyabr – Zəfər Günü”nə həsr olunan xüsusi dərslər keçirildi.

Foto: Rus bölməsi “7 a” və “7 b” sinifləri

Pedaqoqlar: Kompleksin Azərbaycan dili müəllimləri Əliyeva Rəna, Əhmədli Bikə, Abdullayeva Təranə 

“8 Noyabr – Zəfər günü” münasibətilə ibtidai siniflərimizdə xüsusi dərslər keçirildi və şagirdlərimiz üçün Hərbi Qənimətlər Parkına ekskursiyalar təşkil olundu.

Foto: Azərbaycan bölməsi “1 a”, “2 a”, “3 c”, “4 c”, Rus bölməsi “1 d”, “2 e”, “3 a”, “3 b”, “3 e”, “3 f”, “4 a”

Video: Azərbaycan bölməsi “1 a”, “2 a”, “3 c”, “4 c”, Rus bölməsi “3 b”, “3 d”

132-134 nömrəli Təhsil Kompleksində məktəblilər arasında sağlam həyat tərzinin təbliği, sağlam qidalanma və hər idman növünün spesifik xüsusiyyətləri haqqında maarifləndirmə işləri mütəmadi davam etdirilir.

İdman uşaqların təkcə fiziki deyil, eyni zamanda psixoloji sağlamlığının təməlidir. Xüsusən də, yeniyetmə yaşda olanların idmana yönləndirilməsi çox vacibdir. Bu, hər şeydən əvvəl uşağın pis vərdişdən uzaq durması, gələcəkdə sağlam olması baxımından önəmlidir. Sağlam həyat tərzi üçün eyni zamanda düzgün və sağlam qidalanma, eləcə də hər yaş dövrü üçün zəruri günlük qida rasionların qəbuluna diqqət edilməlidir.

Təhsil Kompleksinin psixoloqları Əhmədova İnarə və Quliyeva Aytən bu gün VI sinif şagirdləri ilə görüşdülər və “Olimpiadaya hazırlıq – mən hansı idman növünü sevirəm? İdmanla məşğul olan yeniyetmə necə qidalanmalıdır?” mövzusunda söhbətlər təşkil etdilər. Söhbət zamanı psixoloqlar sağlamlıq, gigiyena qaydaları, düzgün qidalanma, idmançıların psixoloji hazırlığı, yarış anı və yarış sonrası, qalibiyyət və məğlubiyyət, beyin fiziologiyası ve idmançı performansı, empatiya ve idman, hədəfə istiqamətlənmə mövzularında şagirdlərə məlumat verir və onların suallarını cavablandırırlar.

Oktyabrın 31-də 132-134 nömrəli Təhsil Kompleksində Azərbaycan Dövlət Pedaqoji Universitetinin (ADPU) MBA proqramı üzrə “Biznesin təşkili və idarə edilməsi (təhsilin təşkili və idarə edilməsi)” ixtisaslaşmasının magistrantları üçün “132-134 nömrəli Təhsil Kompleksinin strateji və optimal idarəetmə təcrübəsinin öyrənilməsi” mövzusunda master-klass (dərs-görüş) keçirildi.

“Təhsildə strateji idarəetmə” fənni çərçivəsində auditoriyadan kənar dərs formatında təşkil olunan görüşdə ADPU-nun Davamlı təhsil və innovasiyalar bölməsinin baş mütəxəssisi Dilguşə Süleymanova, Təhsil Kompleksinin direktoru, Əməkdar müəllim Sara Xanlarova, direktor müavinləri və magistrantlar iştirak etdilər.

Təhsil Kompleksinin Akt Zalında təşkil edilən master-klassda direktor Sara Xanlarova 132-134 nömrəli Təhsil Kompleksinin fəaliyyəti, maddi-texniki bazası, məktəbin strateji və optimal idarəetmə təcrübəsi, icra olunan beynəlxalq layihələr, burada əldə olunan yüksək nailiyyətlər və məktəbin şagirdlərinin, məzunlarının uğurlu nəticələri haqqında magistrantlara ətraflı məlumat verdi.

Magistrantlar məktəbin rəhbər işçilərinə mövzu ilə bağlı çoxsaylı suallar ünvanladılar. Qarşılıqlı fikir mübadiləsi aparılan dərs-görüşdə magistrantları maraqlandıran suallar ətraflı cavablandırıldı. Görüşdə gələcəkdə müsbət təcrübənin öyrənilməsi məqsədilə Azərbaycan Dövlət Pedaqoji Universiteti və 132-134 nömrəli Təhsil Kompleksi arasında yeni əməkdaşlıq imkanları müzakirə olundu.