Archives

27 sentyabr – Anım Günündə Azərbaycan bölməsi 7-11-ci sinif şagirdlərinin iştirakı ilə “Vətən var olsun!” mövzusunda “dəyirmi masa” təşkil olundu. Məktəblilər Azərbaycanın müasir tarixinə qızıl hərflərlə həkk olunan Şanlı 44 günlük Vətən müharibəsi, Azərbaycan xalqının ərazi bütövlüyü uğrunda əzmkar mübarizə, Azərbaycan gənclərinin yüksək vətənpərvərliyi və tarixi Qarabağ Zəfəri haqqında fikirlərini bölüşdülər. Müzakirə zamanı Azərbaycan əsgərinin döyüş meydanındakı qələbə əzmi, ölkə Prezidenti, müzəffər Ali Baş Komandan İlham Əliyevin rəhbərliyi ilə qazanılmış möhtəşəm qələbə xüsusi vurğulandı, torpaqlarımızın düşmən tapdağından azadlığı naminə canından keçən qəhrəman Şəhidlərimizin əziz xatirələri yad olundu. Qeyd olundu ki, 2020-ci ildə Azərbaycan əsgəri elə bir tarix yazdı ki, bu şanlı zəfər Azərbaycan var olduqca gənc və gələcək nəsillərə hər zaman örnək olacaq və gələn hər yeni nəsil Şəhidlərimizdən nümunə götürərək Vətənə şərəflə xidmət edəcək.

“Dəyirmi masa” Kompleksin Tarix müəllimi Aygün Əfəndiyevanın rəhbərliyi ilə təşkil olundu.

27 sentyabr – Anım Günündə Azərbaycan bölməsi “8 a” sinif şagirdlərinin iştirakı ilə “Hüququndan keçən əsgər, hərə bir qəhrəman oldu!” mövzusunda dərs təşkil olundu. Dərsdə məktəblilər Qarabağın tarixi, Ermənistanın Azərbaycana qarşı əsrlərdir davam edən ərazi iddiaları, münaqişə dövründə Azərbaycanın sülh naminə diplomatik səyləri, 2020-ci il Vətən müharibəsi və xalqımızın tarixi Qarabağ Zəfəri haqqında çıxışlar etdilər.

Məktəblilər 132-134 nömrəli Təhsil Kompleksinin qəhrəman məzun Şəhidlərinin gənc və gələcək nəsillərə nümunə olan şərəfli həyat və döyüş yolu barədə danışdılar və ölkəmizin ərazi bütövlüyü uğrunda canlarını fəda edən qəhrəman əsgər və zabitlərimizi, bütün Şəhidlərimizi dərin ehtiramla yad etdilər.

Dərs Kompleksin Tarix müəllimi Pərvanə Xəlilovanın rəhbərliyi ilə təşkil olundu.

27 sentyabr – Anım Günündə 132-134 nömrəli Təhsil Kompleksinin IB (International Baccalaureate/ Beynəlxalq Bakalavriat Proqramı) müəllim-şagird kollektivi Vətən müharibəsi Şəhidlərinin əbədiyaşar xatirəsini ehtiramla yad etdilər. Şagirdlər 44 günlük Vətən müharibəsi, Azərbaycan xalqının tarixi Qarabağ Zəfəri və qəhrəman Azərbaycan Ordusunun şücaəti haqqında Azərbaycan və İngilis dilində çıxışlar etdilər.

#AnımGünü #ŞəhidlərimizəEhtiramla #QarabağAzərbaycandır

27 sentyabr – Anım Günündə 132-134 nömrəli Təhsil Kompleksində bütün ibtidai siniflərdə Anım günü ilə bağlı dərslər təşkil olundu. Dərslərdə 44 günlük Vətən müharibəsi, xalqımızın tarixi Qarabağ Zəfəri və Azərbaycanın müstəqilliyi, ərazi bütövlüyü uğrunda Şəhid olan Vətənin igid övladları haqqında məlumat verildi.

Məktəblilər Təhsil Kompleksinin Tarix Muzeyində yaradılmış Şəhid məzunlar guşəsini və Kompleksin qəhrəman məzun Şəhidlərinin barelyeflərini ehtiramla ziyarət etdilər, qəhrəman Şəhidlərə və tarixi Qarabağ Zəfərinə həsr olunan şerlər səsləndirdilər və rəsmlər çəkdilər.

Foto: Azərbaycan bölməsi “1 a”, “1 c”, “2 a”, “2 b”, “2 d”, “3 b”, “3 c”, “4 c”; Rus bölməsi “1 b”, “1 e”, “2 b”, “3 c”, “3 d”, “3 e”, “3 f”, “4 b”, “4 c”

#AnımGünü #ŞəhidlərimizəEhtiramla #QarabağAzərbaycandır

Bu gün, 27 sentyabr – Anım Günündə 132-134 nömrəli Təhsil Kompleksində bütün siniflərdə “VƏTƏN VAR OLSUN!” şüarı ilə günə başlanıldı, “HÜQUQUNDAN KEÇƏN ƏSGƏR, HƏRƏ BİR QƏHRƏMAN OLDU!” mövzusunda dərslər keçirildi.

Bütün siniflərdə Anım günü ilə bağlı təşkil olunan dərslərdə Vətən müharibəsi Şəhidlərinin xatirəsi ehtiramla yad edildi, məktəblilərə müzəffər Ali Baş Komandan Prezident İlham Əliyevin rəhbərliyi ilə rəşadətli Azərbaycan ordusunun 44 günlük Vətən müharibəsindəki qəhrəmanlıq dastanı, tarixi Qarabağ Zəfəri və Şəhidlik zirvəsinə ucalan Vətənin igid övladları haqqında məlumat verildi. Qeyd olundu ki, gənc və gələcək nəsillər hər daim Şəhidlərimizin əziz xatirəsini, qəhrəmanlığını, fədakarlığını və Vətən üçün xidmətlərini xatırlamalı, onlardan nümunə götürməli və Vətənin keşiyində mərdliklə durmalıdırlar.

Məktəblilər Təhsil Kompleksinin Tarix Muzeyində yaradılmış Şəhid məzunlar guşəsini və Kompleksin qəhrəman məzun Şəhidlərinin barelyeflərini ehtiramla ziyarət etdilər və 132-134 nömrəli Təhsil Kompleksinin qəhrəman məzun Şəhidlərinin əbədiyaşar xatirəsini böyük məhəbbət və qürurla yad etdilər.

Allah bütün Şəhidlərimizə rəhmət eləsin! Şəhidlərimizin əziz xatirəsi qəlblərimizdə əbədi olaraq yaşayacaq.

Foto: Azərbaycan bölməsi “5 b” sinifi, sinif rəhbəri Kompleksin Ərəb dili müəllimi Məmmədova Gülnara

#AnımGünü #ŞəhidlərimizəEhtiramla #QarabağAzərbaycandır

Məktəblilərin problemləri yaş qruplarından asılı olaraq dəyişir. İbtidai sinifdə, orta siniflərdə və yeniyetmələrdə ortaya çıxan problemlər bir-birindən kəskin fərqlənir. Odur ki, psixoloqlar problemə diaqnoz qoyarkən ilk növbədə uşaqların yaşını nəzərə alırlar.

132-134 nömrəli Təhsil Kompleksinin psixoloqu Quliyeva Aytən bu gün müxtəlif yaş qrupunda olan uşaqlarla görüşdü, siniflərdə dərs prosesini müşahidə etdi və məktəblilərin sevdiyi və sevmədiyi fənlər üzrə sorğu keçirərək müxtəlif siniflərdə müəllimlərə uşaqların yaş qrupuna uyğun diaqnostika və korreksiya tövsiyələri verdi.

132-134 nömrəli Təhsil Kompleksinin psixoloqu Quliyeva Aytən bu gün VI-IX sinif şagirdlərinin dərs prosesinə və məktəbə adaptasiyasını müşahidə etmək üçün siniflərdə oldu. Psixoloq şagirdlərlə qısa sual-cavablar əsasında yeniyetmələrdə keçid dövrü, müxtəlif yaş qruplarında yeni tələblərə uyğunlaşma, şəxsiyyət (6-cı sinif) və peşəkar olaraq (9-cu sinif) öz müqəddəratını təyinetmə dövrünün başlanğıcı ilə əlaqədar yarana biləcək risk faktorlarının diaqnostikasını apardı.

Sinif müəllimləri ilə söhbət zamanı “uşaqları tərbiyə edərək öyrətmək və öyrədərək tərbiyə etmək – bu yol psixoloji və pedaqoji baxımdan səmərəli yoldur” prinsipi bir daha vurğulandı.

Məktəb psixoloji xidmətində əsas işlərdən biri uşaqların məktəbə psixoloji hazırlığının diaqnostikasını verməkdir. Uşağın məktəbə, məktəb təliminə psixoloji hazırlıq səviyyəsini müəyyənləşdirmək bir tərəfdən məktəbdə ilk gündən şagirdlərin potensialına uyğun iş aparmaq, digər tərəfdən həmin sahədəki mümkün çatışmazlıqları aradan qaldırmaq üçün şərait yaradır. Bütün bu yollarla aparılan yoxlama işi uşağın məktəbə hazırlıq səviyyəsini aşkara çıxarmağa, bu sahədə onun valideyninə və müəllimlərinə müvafiq məsləhətlər verməyə imkan verir. Bununla da şagirdlərin fəaliyyətini və inkişafını idarə etmək prosesi asanlaşır.

132-134 nömrəli Təhsil Kompleksinin psixoloqu Quliyeva Aytən bu gün Azərbaycan bölməsi üzrə ibtidai sinif şagirdləri ilə görüşdü və uşaqların məktəb təliminə psixoloji cəhətdən hazırlığını müəyyən edən keyfiyyət göstəriciləri üzrə I-IV siniflərdə məktəblilərlə sorğu təşkil etdi.

Məktəblilərlə söhbət zamanı uşaqlarda məktəb və təlim vəzifələrinin mənasını başa düşmək, özünənəzarət və özünüqiymətləndirmə vərdişlərini şüurlu surətdə dərk etmək, şagirdlərin müəllimləri və yoldaşları ilə davranış tərzi və iradi keyfiyyətlərin, xüsusilə fəallıq, təşəbbüskarlıq və s. inkişafı üzrə ümumi situasiya psixoloq tərəfindən siniflər üzrə qiymətləndirildi. IV sinif şagirdləri ilə onlar üçün bu ilin önəmi ilə bağlı xüsusi söhbət təşkil edildi və məktəblilərə dərslərinə qarşı daha məsuliyyətli olmaq tövsiyə edildi.

Sentyabrın 15-də ölkəmizdə yeni 2023-2024-cü tədris ili başlayır. 132-134 nömrəli Təhsil Kompleksində şagirdlər, müəllimlər və valideynlər Bilik gününü həmişə olduğu kimi, bu il də böyük sevinclə qeyd etdilər.

Tədbir Azərbaycanın Dövlət Himninin səsləndirilməsi ilə başladı.

Çıxış edən 132-134 nömrəli Təhsil Kompleksinin direktoru, Əməkdar müəllim Sara Xanlarova Ulu Öndər Heydər Əliyevin anadan olmasının 100 illik yubileyinin qeyd olunduğu ilə təsadüf edən bu əlamətdar Bilik Günü və yeni dərs ilinin başlanması münasibətilə məktəbliləri, müəllimləri, valideynləri təbrik etdi. Ulu Öndər Heydər Əliyevin “Təhsil millətin gələcəyidir” kəlamını diqqətə çatdıran direktor qeyd etdi ki, bu kəlam milli təhsilimizin inkişafının ana xəttini təşkil edir. Vurğulandı ki, Ulu Öndər Heydər Əliyevin siyasətini eyni həssaslıqla və uğurla davam etdirən möhtərəm Prezidentimiz, müzəffər Ali Baş Komandan İlham Əliyevin təhsilə yüksək diqqəti nəticəsində icra edilən dövlət proqramları təhsil sistemində keyfiyyətcə yeni inkişaf meyillərinin əldə edilməsinə, yüksək nəticələrin qazanılmasına xidmət edir. Bu da, şübhəsiz, ölkəmizin milli kadr potensialının kəmiyyət və keyfiyyət baxımından formalaşdırılması və təkmilləşdirilməsi işinə mühüm töhfə verir.

Çıxışı zamanı direktor 132-134 nömrəli Təhsil Kompleksinin tarixi, bu təhsil ocağının məzunları və şagirdlərinin yerli və beynəlxalq nailiyyətləri haqqında danışdı. Vurğulandı ki, uzun illərdir 132-134 nömrəli Təhsil Kompleksində Azərbaycan, Rus və İngilis bölmələri üzrə tədris həyata keçirilir, eyni zamanda iki böyük beynəlxalq layihə – “Ana Məktəb” və “Beynəlxalq Bakalavriat Proqramı” uğurla icra olunur.

Azərbaycan xalqının tarixi Zəfər qazandığı 44 günlük Vətən müharibəsi qalibiyyətinin bu il növbəti ildönümünü qürurla qeyd etdiyimizi diqqətə çatdıran S.Xanlarova Təhsil Kompleksinin üç qəhrəman məzun Şəhidi – Nicat Tarıverdiyev, Fərid Əliyev və Yusif Budaqovun, Birinci Qarabağ müharibəsi Şəhidi, Azərbaycanın Milli Qəhrəmanı Riad Əhmədovun əziz xatirələrini xüsusi ehtiramla yad etdi. Xüsusi vurğulandı ki, xalqımız işğaldan azad olunan doğma torpaqlarımızın möhtərəm Prezidentimiz İlham Əliyev və Azərbaycan Respublikasının Birinci vitse-prezidenti Mehriban xanım Əliyeva tərəfindən yenidən dirçəldilməsi naminə həyata keçirilən möhtəşəm bərpa-quruculuq layihələrini ürəkdən alqışlayır və dəstəkləyir.

Sonda birinciləri Bilik Günü münasibətilə xüsusi təbrik edən direktor bütün şagirdlərə uğurlu tədris ili və təhsil həyatlarında yüksək nailiyyətlər arzuladı.

Tədbirdə çıxış edən 132-134 nömrəli Təhsil Kompleksinin qəhrəman məzun Şəhidlərinin valideynləri, Səbail rayon İcra Hakimiyyətinin nümayəndəsi, eləcə də bu il övladları Təhsil Kompleksində təhsil alacaq valideynlər adından çıxış edən Xalq artisti, bəstəkar Aygün Səmədzadə, Azərbaycanın əməkdar artisti, əfsanəvi “Parni iz Baku” KVN komandasının üzvü Tahir İmanov, Respublikanın Əməkdar incəsənət xadimi Cəmil Quliyev bu gün birinci sinifə qədəm qoyan balacaları təbrik etdilər və onlara uğurlar dilədilər.

Tədbirdə rəqslər ifa olundu və mahnılar səsləndirildi.

Sonra Bilik günündə ilk zəng çalındı və birincilər böyük sevinclə siniflərə daxil oldular.

Təhsil Kompleksində bütün siniflərdə ilk dərslər “Heydər Əliyev Azərbaycanın xilaskarı və qurucusudur!” mövzusuna həsr olundu.

Hər kəsə yeni tədris ilində uğurlar arzulayırıq.

#SalamMəktəb

132-134 nömrəli Təhsil Kompleksində İngilis dili bölməsi üzrə (IB proqramı) 2023-2024-cü tədris ilinə start verilib.

Birincilərimizi təbrik edir, bütün şagirdlərimizə uğurlu tədris ili arzulayırıq!